Lo concors d’expression occitana, un còp mai aquesta annada, mobilizèt de las plumas del territòri occitan tot.
Aquò fa bravament plaser !
La còla que l’organizèt mai los membres de la jurada remèrcian e felicitan totas aquelas e aquelses que passèron del temps a l’escritura d’aquelses tèxtes, novèlas, poèmas, còntes… Seguèron totses legits o escotats atentivament.
Un mercés calorós a Dòna Nathalie Causse, ensenhaira, e mai a Cannelle, Zoé, Bernard, Ellyn, Eliott, Léno, Mano, Lisa, Mathilde, Amélie e Olivia, escolans d’una classa de 5na bilingüa del collègi public Joan Jaurès de Sant-Africa.
Òsca per lor imaginacion e lor trabalh !
Cap de dobte qu’aquelas autritz e autors en èrba contunharàn atau.
Aquela edicion 2021 presenta doncas doás categorias de laureats :
escolar e adulte.
Aquí avètz la resulta del segond concors d’expression occitana :
Categoria ‘escolar’ :
Prèmi primièr : Lisa Fidanza
Prèmi segond : Ellyn Platet
Prèmi tresen : Zoé Demkova
Categoria ‘adulte’ :
Prèmi primièr : Jean Massip (tèxte)
Prèmi segond : Elena d’Avairon (tèxte)
Prèmi tresen, a egalitat : Alain Vidal (son) et Marie-Hélène Nouvelle (tèxte)
