Vie de l'association

Concors d’escritura : e los ganhants son…

By 2 juillet 2020 No Comments

Es doncas arribat lo moment de conéisser los ganhants del concors d’escritura,
que seguèt lançat un bocin per badinar,
un ser negre del confinhament…

Un concors d’escritura ? En occitan ? E perqué pas !

A la debuta, se pòt pas dire que i aguèt un tropèl de monde interessats, non pas. Alèra decideriam d’alargar la proposicion a tot lo monde que parlan e escrivon la lenga occitana, dins totses sos estats. E aquò mercé als IEO. E quò marchèt : de la Gasconha a l’Aude, en passar pel Roèrgue. E nautres, monde del Cantal, que parlam lo lengadocian o l’auvernhat, nos carreriam de legir aquelses tèxtes venguts d’aicí o d’alai. E mèma se poiriá dire que sèm fièrs, un bocin, d’aver participar a téisser dels ligams, al mens a suscitar un interès per una expression en occitan.
Remerciam bravament totses los que participèron al concors.
Entre los prèmis de ganhar, en mai dels libres de la librariá Descobèrtas Occitanas, l’IEO del Cantal es urós d’ofrir de las plaças per son festenal del cònte, Las Rapatonadas, lo mai vièlh festenal de còntes de França, que se debanará la quarantena edicion al mes de novembre.
Serem benlèu temptats de tornar començar l’experiéncia, quau sap ? Amb una formula nòva. De fach, voldriam valorizar l’expression occitana a l’escrich tant coma a l’oral.
Quò será deman, per nautres, una idèia de pensar.
Aüèi, bona lectura a totas e totses !

Prèmi primièr :  Florent Pons, « Virada en petaron »
Prèmi segond : Guiral Puech,  « Las mametas »
Prèmi tresen : Alain Maury « La velha del jorn d’aprèp »